Bharat 'aage' badh raha hai

Dekh rahi hu maula,

duniya ke rang badalte.

Is chalchitra par kabhi aise toh kabhi waise,

duniya ghum rahi hai.

Bharat badh raha hai aage shayad,

ya fir yeh sab ek Media Circus hai,

samay sabkuch batla dega.

Kaha ja raha hai yeh desh apna,

Bullet train ki seeti jaisa bhaag raha hai

Bharat apna. 

Kahe kavitri sab jan ko, 

sambhal kar rehna, 

Circus ke is mayajaal se.

Ring master chabuk ghumaaye, 

Daudaaye humain ek kataar main. 

Note badalte der na lagti, 

desh badalne ka intezaar hai.

Ab hamari saari jaankari, 

is sarkar ke paas hai.

Daudta rahe insaan,

Bullet train ki speed se. 

Yaha jaaye ki waha jaaye, 

hain hum toh isi Circus ki rekh main.